श्री हनुमान चालीसा : Shree Hanumaan Chaalisa

                    श्री हनुमान चालीसा

                   ॥ दोहा ॥

   _{श्री गुरु चरण सरोज रज, निज मन मुकुर सुधारि।}

   _{बरनऊ रघुबर विमल जसु,  जो दायक फल चारि॥}

   _{बुद्धिहीन तनु जानिके,    सुमिरौँ   पवन कुमार ।}

   _{बल बुद्धि बिद्या देहु मोहिँ, हरहु कलेश विकार॥}

   
                    _{॥चौपाई॥}

_{जय हनुमान ज्ञान गुन सागर। जय कपीस तिहुँ लोक उजागर॥1॥}

_{राम दूत अतुलित बल धामा । अंजनी पुत्र  पवन सुत नामा ॥2॥}

_{महाबीर बिक्रम बजरंगी   ।  कुमति निवार सुमति के संगी  ॥3॥}

_{कंचन वरन विराज सुबेसा    । कानन कुंडल कुंचित केशा  ॥4॥}

_{हाथ बज्र औ ध्वजा विराजे   ।  कांधे मूंज जनेऊ साजे     ॥5॥}

_{शंकर सुवन केसरी नंदन     । तेज प्रताप महा जग बंदन ॥6॥}

_{विद्यावान गुणी अति चातुर  ।  राम काज करिबे को आतुर ॥7॥}

_{प्रभु चरित्र सुनिबे को रसिया। राम लखन सीता मन बसिआ ॥8॥}

_{सूक्ष्म रूप धरि सियहिँ दिखावा।विकट रूप धरि लंक जरावा ॥9॥}

_{भीम रूप धरि असुर सँहारे   । राम चंद्र के काज सँवारे   ॥10॥}

_{लाए संजीवन लखन जियाए । श्री रघुबीर हरषि उर लाए  ॥11॥}

_{रघुपति कीन्ही बहुत बड़ाई । तुम ममप्रिय भरतहि सम भाई॥12॥}

_{सहस बदन तुमरोँ यश गावेँ। अस कहिँ श्री पति कंठ लगावेँ॥13॥}

_{सनकादिक ब्रह्मादिक मुनिशा। नारद शारद सहित अहिशा  ॥14॥}

_{यम कुबेर दिगपाल जहाँ ते। कवि कोविद कहि सके कहाँ ते॥15॥}

_{तुम उपकार सुग्रीवहिँ कीन्हा । राम मिलाए राज पद दीन्हा ॥16॥}

_{तुम्हरोँ मंत्र विभीषण माना । लंकेश्वर भये सब जग जाना ॥17॥}

_{जुग सहस्र योजन पर भानू । लील्यो ताहि मधुर फल जानू ॥18॥}

_{प्रभु मुद्रिका मेलि मुख माहीँ।जलधि लांघि गये अचरज नाहीँ॥19॥}

_{दुर्गम काज जगत के जेते  । सुगम अनुग्रह तुम्हरे तेते   ॥20॥}

_{राम दुआरे तुम रखवारे    । होत न आज्ञा बिनु पैसारे    ॥21॥}

_{सब सुख लहैँ तुम्हारी सरना।तुम रक्षक काहू को डरना    ॥22॥}

_{आपन तेज सहारोँ आपै     । तीनो लोक हाँक ते कांपै   ॥23॥}

_{भूत पिशाच निकट नहिँ आवै।  महवीर जब नाम सुनावै   ॥24॥}

_{नासै रोग हरै सब पीरा     । जपत निरंतर हनुमत बीरा ॥25॥}

_{संकट तै हनुमान छुड़ावै  । मन कर्म बचन ध्यान जो लावैँ॥26॥}

_{सब पर राम तपस्वी राजा। तिनकै काज सकल तुम साजा॥27॥}

_{और मनोरथ जो कोई लावै ।सोई अमित जीवन फल पावै ॥28॥}

_{चारो जुग परताप तुम्हारा । हये परसिद्ध जगत उजियारा ॥29॥}

_{साधु संत के तुम रखवारे  । असुर निकंदन राम दुलारे   ॥30॥}

_{अष्ट सिद्धि नवनिधि के दाता।अस वर दीन जानकी माता॥31॥}

_{राम रसायन तुम्हरे पासा   । सदा रहो रघुपति के दासा  ॥32॥}

_{तुम्हरे भजन राम को पावै । जन्म जन्म के दुख बिसरावै॥33॥}

_{अंतकाल रघुवर पुर जाई  । जहाँ जन्म हरि भक्त कहाई ॥34॥}

_{और देवता चित न धरई   । हनुमत सेई सर्व सुख करई ॥35॥}

_{संकट कटै मिटै सब पीरा   । जो सुमरै हनुमत बलबीरा ॥36॥}

_{जय जय जय हनुमान गोसाईँ। कृपा करहु गुरुदेव की नाईँ॥37॥}

_{यह शत बार पाठ कर जोई  । छूटहि बंध महासुख होई  ॥38॥}

_{जो यह पढ़ै हनुमान चालीसा । होय सिद्धि साखी गौरीसा॥39॥}

_{तुलसी दास सदा हरी चेरा   । कीजै नाथ हृदय महँ डेरा ॥40॥}

                          _{॥दोहा॥}

         _{पवन तनय संकट  हरण,  मंगल मूरति  रूप ।}

         _{राम लखन सीता सहित, हृदय बसहु सुर भूप ॥}

                  _{॥ इति श्री हनुमान चालीसा ॥}